Zëvendësministri i Ministrisë së Mjedisit, Planifikimit Hapësinor dhe Infrastrukturës e Kosovës, (MMPHI) Hysen Durmishi ka thënë se ish-ministri Pal Lekaj përvec 53 milonëve po del që edhe 44 milionë të tjerë ia ka dhënë Bechtelit gjatë kohës sa ishte në krye të Ministrisë së Infrastrukturs.

Përmes një postimi në Facebook, Durmishi shkruan se edhe kontratë me “çelsa në dorë” e edhe aneks kontratë për punë shtesë vetëm në Kosovë ndodh kjo, e sidomos kur është në pyetje Pal Lekaj me kompaninë Bechtel Enka. shkruan arbresh.info.

“Nuk i paskan mjaftuar 53 milionë, por tash po del që edhe 44 milionë euro të tjera i’a paskan dhënë Bechtelit! Sigurisht, nga buxheti i shtetit, me dorëlirësinë e qeverisë Haradinaj. Rrush me aktakuza do të bëhet Pali, por nuk duhet harruar që Pal Lekaj nuk ka qenë kandidat e as ministër i pavarur, ai ka qenë i emëruar e shërbyer kryeministrit e qeverisë Haradinaj, andaj nuk mund ta trajtojmë si rast të izoluar. Shpresoj që edhe gjykatat ta kryejnë punën e tyre”, shkruan Durmishi./arbresh.info/